أجتماع في بيت الجدة

بسم الله الرحمن الرحيم

أهلا  اليوم حبيت اتكلم عن جمعه في بيت جدتي 

طبعا امي ( الله يخليها لي ) حبت تجمع خلاتي كلهم وتسوي أشياء جميله يعني بعد الاختبارات و الكد الي صار 

ومن ضمن هذي الاشياء  المسابقات للبنات و الامهات واهم شيء (( البوفيــه )) 

ومن افكار البوفيه:

1 - اشكال السلطات الي اكثر من نوع 

2 - كوب المقالي : عباره عن كاس بلاستيك فيه كبه و سبرنق رول و ورق عنب و علبة شطه صغيرة جدا 

3 - حركة  التورتيلا الناعمة : حشوه لذيذه خفيفه ملفوف عليه منديل ملون ومشبك ناعم

4 - ومشاوي  من كل شكل 

والحين اخليكم مع الصور :

مخيم مكشات الربيع

بسم الله الرحمن الرحيم 

رحت انا و اهلي لمخيم على طريق الرياض اسمه مكشات الربيع
كان مرره جميل وتفتح النفس خاصة الجو ذاك اليوم جميل
وكانت احلى بسبب الناس الي فيها ( عماتي و عماني الله يخليكم لي )


يلا اخليكم مع الصور :

السماعات Movable Audio

بسم الله الرحمن الرحيم


شريت اليوم سماعات مرره جميله
طبعا هي عبارة عن سماعه وحده وفيها مميزات حلوه مثل:

1 - لها مكانين الي يطلع منه الصوت وتقدرين تتحكمين بكل وحده لحالها 
2 - و صوتها مره قوي وواضح غير بعض السماعات الي تجيك صوتها موشوش 
3 - خفيفه بالشيل مو ثقيله او كبيرة مره لان حجمها متوسط تقريبا علبتين منديل فوق بعض
4 - ويشبك على الايفون و الايباد و الجلاكسي و المحمول وغيره 
5 - والميزه الاجمل انها تشحن ما تشبك على الكهرب
( يعني ما يحتاج تدور كهرب عشان يشتغل اشحنها طول اليوم وشغلها على كيف كيفك) 
6 - فيها مايك 
7 - وسعرها بسيط من 180 الى 200 ريال 
8 - لونه اسود مع فضي جذاب 

اخليكم مع الصور :

دانبو

بسم الله الرحمن الرحيم 

السلام عليكم اليوم حبيت اكتب عن دانبو الجميل طبعا انا شريته من زمان
قلت اكتب عنه ^_^

ملاحظة:( تلقون الدانبو في الأمازون و الحارثي .. اماكن ثانيه والله ما ادري )

دانبو عبارة عن لعبة يابانيه تتكون من رجل الي على شكل مجموعة من الصناديق وكانت مجرد لعبة 
الا ان المصور الروسي استعملها للتعبير عن المشاعر في صفحته على الفليكر .

اعتقد هو السبب الان لاستعمال البعض منا لدانبو في التصوير ..

طبعا الحين ابخليكم مع الدانبو :

ومثل ما تشوفون في الصورة ان الدانبو لوه اضاءه

على جنب فيه زي on و of 

 نسيت نقطة مهمه يجي مع الدانبو راس على شكل انمي و قاعده عشان توقفون عليه الدانبو 

طبعا قاعده بدون قاعده كل واحد 

 طبعا هذي هي القاعده

وهينا بعض الصور من تصوير الروسي للدانبو :

كوب حافظ للحرارة و للبرودة

بسم الله الرحمن الرحيم

أهلا امس انا رحت لبازار في البدايع كان جميل
طبعا شفت وحده تبيع أكواب وكان كوب يحفظ الحرارة لمدة 5 ساعات و البرودة 9 ساعات
بس اكيد ما احد يصدق على طول لكن هي بدت تمدح لي وانها مجربته بنفسها وانها تاخذه للجامعه معها
فقلت ناخذ واحد ونجرب
طبعا سعره = 96 للأسود  /  = 100 للأبيض

ملاحظة : ( طول الكوب تقريبا طول علبة المنديل وسعته نص لتر تقريبا )


الحين مع الصور :

 طبعا هذا راس الكوب