وصله ما بين البروجكتر و الايباد

السلام عليكم .. حبيت اليوم اقولكم عن وصلة الـ 30-pin to vga adapter 

مره حلوه فكرة الوصله بس على طول من الايباد للبروجكتر ولا تتعبون من الاسلاك كلهن سلكين وبس 

يكون اسهل استعمالا بكثير من الكمبيوتر ، انا شريتها من جرير الي في جدة بـ150 ... 

ملاحظة: ( يعمل على ايباد 2 > ويعمل على ايفون و الايبود

و مو شرط اساسي يكون على البروجكتر يمكن بعد ع TV لكن اليوم اوريكم طريقته ع البروجكتر

والحين مع الصور ~

أولا: هذي شكل العلبه  ..

ثانيا : شكل الوصلة ..

ثالثا: طريقة التركيب 

نشبك فتحة الوصلة بسلك البروجكتر الازرق 

بعدين نشبك سلك الوصله على فتحة الايباد

وخلصنا باقي بس نشغل البروجكتر ويطلعلنا 

اتمنى يعجبكم الموضوع 

مع السلامه

حكايتي عن اول العيد ..

اولا السلام عليكم ' حبيت انزل حكاية انا كتبته باسلوبي عن اول يوم بالعيد 

عاد وش اقول وش اخلي ^^ < نبداء

طبعا قمت انا و اهلي تقريبا ٩الصبح طبعا متحمسين اليوم عيد في فطور هههه امزح

تجهزنا ومشينا لبيت جدتي ، يوم وصلنا كان الناس مجتمعه الساعهـ١٢ تقريبا

بدينا نسلم على فلان و علان عاد شوي بدينا نوزع العيديات الجميله وهذي الصور:

خطيره راس العروسه تنفقع تطلع منها حلويات > اهم شيء انها تنفقع ههههه

يازين البزران لما يتحمسون ويفتحون العيديات< ازين شيء تهك عليهم تقول ريالين اكثر من خمسه ريال هههه

تصوير بنات خالاتي ..

تصوير بنات خالاتي

لا لا تفهمون غلط تحسبونهن صدق ذولي ورق جواتهن حلاو > ولا ودكم يصير صدق ههههه

 المشكله بس اني كنت الوحيده الي مصحصحه بالاجتماع والعالم بعد ما اخذوا عيدياتهم تجدعوا كأنهم ضحايا < سويت روحي سرك عشان يصحصحون معي بس سعيد اخو سعيدان

طبعا هذا كان اجتماع جدتي فطيمه نروح لجدتي  مريم

كانت الساعه تقريبا ٧ 

 الاجتماع كان في استراحه كان الجميع موجودين بديت اوزع على البزران العيديات 

وفجأة دخلت عمتي ومعها قنابل ( طراطيع لا تفهمون بوم بوم هههه^^ ) طبعا على طول الشباب اخذوهن ولا بقوا شيء للبنات <       المهم طرنا انا وبنات عماتي كل وحده جابت كميرتها ومتجهزين كأننا مؤتمر بالجزيره ههههه

طبعا ما اطول هذي الصور :

والحمدلله كان يوم يوووم يووووووم جميل جدا  
وان شاء الله اعجبتكم حكايتي...

و اتمنى ينعاد عليكم العيد كل سنه والفرحه ما تخلوا منا ومنكم  يارب ...